સાડાસાતી

હજારો ના ઘોટાળા કરી ,

પવલું તેલ ચઢાવા ઉભો છે

શનિવાર નો દિવસ આવી ગયો

કે છે કે મારે સાડાસાતી બેઠી છે

ઘર માં સંઘરી છે ભગવદ્દગીતા

ને ચક્કરો બધા તે જ્યોતિષ ના લીધા

લાલ-પીળા -લીલા નંગો  ધારણ કર્યા

કે છે કે મારે સાડાસાતી બેઠી છે

માનવ હતો બસ માનવ થી હણાઈ ગયો હું

રાત દિવસ ઘોળી  ને પી ગયો હું

સમય ને ના પકડી શક્યો તો પી ગયો હું

ખુદ ને સાબિત કરવામાં જાત ઘસી નાખી

અથડાયો-ભટકાયો છતાં કેવો સંધાઈ ગયો હું